Zəfər günün mübarək, Azərbaycan!
07.11.2023-cü il tarixində məktəbimizin ibtidai sinif müəllimləri Xarıbülbül qoxulu Zəfər Gününə həsr olunmuş tədbir təşkil etdilər. Tədbirin keçirildiyi səhnə bizə şanlı zəfərimizi xatırladan əl işləri ilə bəzədilmişdi. Tədbirin əvvəlində 44 Günlük Vətən Müharibəsində həlak olan şəhidlərin ruhu bir dəqiqəlik sükutla yad edildi. Aparıcılar “Dəmir Yumruq” adlandırılan İkinci Qarabağ Müharibəsi və Azərbaycan xalqının zəfəri ilə başa çatan qarşıdurma haqqında ətraflı məlumat verdilər. Tədbir iştirakçıları Müzəffər Ali Baş Komandanın rəhbərliyi altında Azərbaycan Ordusunun 44 gün ərzində mümkünsüzü mümkün etməsi barədə çıxışlar etdilər. Şagirdlərin ifasında şeirlər, mahnılar, rəqslər tədbirə xüsusi rəng qatdı.
