8 Noyabr – Azərbaycanda Zəfər Günü
44 günün hər günü şanlı tarixdir. Hər gün Azərbaycan ordusu irəli getdi, hər gün yeni şəhərlər,kəndlər, qəsəbələr, yüksəkliklər azad edildi.Şuşa şəhərinin və onun işğaldan azad edilməsinin tarixi əhəmiyyəti nəzərə alınaraq qələbə Zəfər Günü hər il noyabrın 8 – də təntənəli şəkildə qeyd olunmağa başladı. Bu münasibətlə məktəbimizin II b sinfinin sinif rəhbəri Yasəmən Ələkbərova dərs dediyi sinif şagirdləri ilə tədbir təşkil etdi. Tədbirdə şagirdlər yüksək fəallıqla iştirak edərək qələbəni vəsf edən şeirlər ifa etdilər. İşğaldan azad olunan torpaqlarımız barəsində geniş məlumatlar verdilər.
