Füzuliyə qayıdış
17.10.2023 – cü il tarixində Füzuli rayonun işğaldan azad olunması ilə bağlı X a sinfinin sinif rəhbəri şagirdlər və hərbi rəhbərin iştirakı ilə tədbir təşkil olundu. İlk öncə vətənin azadlığı uğrunda canından keçmiş şəhidlərin ruhu bir dəqiqəlik sükutla yad edildi. Şagirdlər Ali Baş Komandanın səyi və şanslı ordumuzun rəşadəti, igidlərimizin qanı ilə qazanılmış böyük zəfərin tarixinə bir daha nəzər saldılar. Füzuli rayonun strateji əhəmiyyəti, maddi və mədəni abidələri şagirdlərin çıxışlarında vurğulandı. Bildirildi ki, Füzuli əməliyyatı Azərbaycan ordusunun cənub – şərq cəbhəsində baş vermiş ən əhəmiyyətli döyüşlərdən biri olub. Ulu öndərin memarı olduğu müstəqil Azərbaycanımızın üçrəngli bayrağının azad səmalarda dalğalanmasında liderimiz İlham Əliyevin əvəzsiz əməyi olduğu xüsusi qeyd edildi.
