“ Təhlükəsiz informasiya axtarışı” mövzusunda valideynlərlə görüş keçirildi
16.10.2023-cü il tarixdə ümumi təhsil müəssisələrinin şagirdləri arasında sağlam həyat tərzi və reproduktiv sağlamlıq, eləcə də erkən və qohumlararası nikahların qarşısının alınması sahəsində maarifləndirmə işinin aparılması məqsədilə məktəbimizin IX sinif şagirdlərinin valideynləri ilə görüş keçirildi. Görüşdə “ Təhlükəsiz informasiya axtarışı” mövzusunda valideynlərlə söhbət aparıldı. Təlim – tərbiyə işləri üzrə direktor müavini və sinif rəhbərləri çıxış edərək vurğuladılar ki, internet böyük informasiya mənbəyidir, çünki o, bütün dünya boyu sonsuz miqdarda kompüterləri və onların istifadəçilərini birləşdirir. Lakin çox vacibdir ki, əldə olunan məlumat, informasiya dəqiq, mötəbər, yoxlanılmış olsun və şagirdlərin psixikasına əks təsir göstərməsin. Bu istiqamətdə valideynlər diqqətli olmalı, övladlarının internet mənbələrini araşdırmalı, onları etibarlı informasiya mənbələrindən istifadə etməyə sövq etməlidirlər. Görüş valideynlərin mövzu ilə əlaqəli çıxışları və qarşılıqlı mükalimələrlə davam etdi.
