27 Sentyabr “ Anım günü ”
27.09.2023-cü il tarixində məktəbimizdə Azərbaycan xalqının şanlı tarixini yazan, Azərbaycan Respublikasının ərazi bütövlüyünü bərpa edən 44 günlük vətən müharibəsində şəhid olan əsgər və zabitlərimizin, mülki insanlarımızın ruhu çox böyük təntənə və qürur hissi ilə anıldı. İlk dərs məşğələləri Vətən müharibəsi və şəhidlik zirvəsinə yüksəlmiş qəhrəman əsgər və zabitlərimizin həyat və fəaliyyətinə, Müzəffər Ali Baş Komandan İlham Əliyevin şəhidlərimizin xatirəsinə göstərdiyi yüksək ehtiramdan, müzəffər Azərbaycan Ordusunun Zəfər yürüşündən , “ Dəmir yumruq “ və ali ədalətin təntənəsindən ətraflı bəhs olundu. VII-XI sinif şagirdlərinin “Anım Günü”nə həsr olunmuş “ Hüququndan keçən əsgər, hərə bir qəhrəman oldu “ mövzusunda inşa müsabiqəsi keçirildi. Siniflərdə Vətən müharibəsində şücaət göstərmiş şəhidlərin həyat və mübarizə yolunu əks etdirən videoçarxların nümayişi təşkil olundu. Sinif divar qəzetlərinin xüsusi buraxılışı məhz “ Anım Günü” nə həsr olundu. Məktəbimizin şagirdləri Vətən müharibəsi şəhidlərinin xatirəsinə həsr olunmuş guşənin önünə gül dəstələri qoymaqla öz ehtiramlarını bildirdilər. Şəhidlərin xatirəsi saat 12:00 da bir dəqiqəlik sükutla yad edildi.
