Məktəbimizin şəhid məzunları
“ Şəhid ailələri və qazilərlə görüş” tədbirlər planına əsasən məktəbimizdə “ Məktəbimizin şəhid məzunları” adlı tədbir keçirildi. Tədbirdə tərbiyə işləri üzrə direktor müavini, IX c sinif şagirdləri və sinif rəhbəri iştirak etdilər. Tərbiyə işləri üzrə direktor müavini çıxış edərək II Qarabağ müharibəsi zamanı vətənin azadlığı uğrunda canını qurban verən qəhrəman oğullar, o cümlədən məktəbimizin şəhid məzunları Təhməzli Rəşad və Yaqubzadə Yaqubun şərəfli həyat yolu haqqında şagirdlərə geniş məlumat verdi. Tədbir iştirakçıları məktəbin foyesindəki şəhidlərimizin foto-stendi ilə yaxından tanış oldular. Şagirdlər də çıxış edərək mövzu ilə bağlı təəssüratlarını bölüşdülər.
