Biz sizinlə fəxr edirik, qazilər!
II Qarabağ müharibəsi Azərbaycanın tam qələbəsi ilə başa çatdı. Ancaq bu qələbə şəhidlərin qanı, qazilərin sağlamlığı bahasına əldə olundu. Azərbaycanın ərazi bütövlüyü uğrunda öz canından keçmiş şəhid ailələrinə, həmçinin müharibə əlillərinə dövlət tərəfindən hər zaman böyük diqqət və qayğı göstərilir. Məktəbimizdə də II Qarabağ müharibəsində canından keçən şəhidlərin xatirəsi həmişə əziz tutulur, qazilərlə tez-tez görüşlər təşkil olunur. Növbəti belə görüş məktəbimizin məzunu, Qarabağ qazisi Gündüz Əvəzzadə ilə görüş baş tutdu. VIII a sinif şagirdiləri ilə məktəbimizin vətənpərvərlik guşəsində təşkil olunan bu görüşdə qazimiz Qubadlının, Cəbrayılın azad olunması və məktəbimizin məzunu, fəxrimiz Yaqub Yaqubzadə ilə birgə təəssüratlarını şagirdlərlə və müəllimlərlə bölüşdü. Qazimizin çıxışı görüş iştirakçıları tərəfindən böyük maraqla qarşılandı. Sonda qazi ilə xatirə şəkli çəkdirildi.
