Xalqa həsr edilmiş ömür
8 may 2023-cü il tarixdə məktəbimizdə Ulu öndər Heydər Əliyevin anadan olmasının 100 illiyinə həsr edilmiş tədbir keçirildi. Tədbirdə XX əsrin ən parlaq simalarından və nadir şəxsiyyətlərindən biri kimi xalqımızın yaddaşına öz adını əbədi həkk etmiş H.Əliyevin şərəfli ömür yolu, misilsiz tarixi xidmətləri geniş işıqlandırıldı. Aparıcılar və digər çıxışçılar qeyd etdilər ki, Azərbaycanın son 30 ildən artıq bir dövrünü əhatə edən tarixi taleyi, xalqın ictimai-siyasi, iqtisadi və mədəni həyatının bütün sahələrində dirçəlişi məhz H.Əliyevin adı ilə bağlıdır. Tədbirdə Ümummilli liderin doğma xalqına həsr edilmiş ömür yolunu əks etdirən videoçarxlar nümayiş olundu. Şagirdlərin ifasında Ulu öndərin xatirəsinə həsr olunan şeirlər səsləndirildi.
