Sabahın alimləri
Bu gün ümumtəhsil müəssisələrində “Kiçik akademiya“ların fəaliyyətinin gücləndirilməsi ilə bağlı müvafiq işlər görülür. Kiçik akademiyaların təşkilində əsas məqsəd yuxarı sinif şagirdlərini elmi və yaradıcı axtarışlara sövq etmək və onların tədqiqatçılıq və yaradıcılıq qabiliyyətlərini inkişaf etdirməkdən ibarətdir. Bununla əlaqədar olaraq məktəbimizdə də “ Kiçik akademiya” nın növbəti yığıncağı keçirildi. Yığıncaqda şagirdlər kiçik tədqiqat işlərini, məruzələrini və referatlarını təqdim etdilər. Müəllimlər də təqdimatları diqqətlə dinləyib şagirdlərə gələcək elmi və yaradıcı işləri üçün tövsiyələrini verdilər.
