9 May- Faşizm üzərində Qələbə Günü
Məktəbimizdə 9 May-Faşizm üzərində Qələbə Gününə həsr olunmuş tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı. İştirakçılar 1941-1945-ci illərdə baş vermiş II Dünya müharibəsi haqqında geniş məruzələrlə çıxış etdilər. Onlar müharibə illərində Alman faşizmi üzərində qələbənin əldə olunmasında Azərbaycan xalqının əvəzsiz rolundan, həmyerlilərimizin döyüş meydanlarında və arxa cəbhədə göstərdikləri qəhrəmanlıqlardan söhbət açdılar. Çıxış edənlər müharibədə qəhrəmanlıqla vuruşan həmyerlilərimizə həsr olunmuş şeirlər səsləndirdilər, mahnılar ifa etdilər, ədəbi-bədii kompozisiyalar nümayiş etdirdilər.
