“Qida zənciri” mövzusuna aid video çarxın nümayiş olunması
6c sinfində “Qida zənciri” mövzusunda maarifləndirici videoçarx nümayiş etdirildi. Şagirdlərə süd, ət, meyvə-tərəvəz və taxıl məhsulları olmaqla dörd qrup qida ilə qidalanmaları haqqında məlumat verildi. Xüsusilə vurğulandı ki, məktəbli gün ərzində beş dəfə - üçü əsas, ikisi isə qəlyanaltı şəklində qidalanmalıdır. Süd məhsullarının, meyvə - tərəvəzin insan orqanizminə faydaları şagirdlərin nəzərinə çatdırıldı. Tövsiyə olundu ki, hazır paketlənmiş qidalardan maksimum uzaq olsunlar. Çünki bu kimi qidalar diqqət pozğunluğu, davranışda dağınıqlığına səbəb olur.
