“ Dama” yarışının qalibləri
Məktəbimizdə Ümummilli lider Heydər Əliyevin 100 illiyinə həsr olunmuş silsilə tədbirlər keçirilir. Belə tədbirlərdən biri də aprelin 17-19-da V-IX sinif şagirdləri arasında keçirilən “ Dama” yarışı oldu. Yarış Azərbaycan Respublikasının Dövlət Himninin səsləndirilməsi ilə başlandı. Gərgin mübarizə şəraitində keçirilən bu yarış şagirdlərin böyük marağına səbəb oldu. Tədbirdə çıxış edənlər yarışın nə məqsədlə keçirildiyini vurğulayaraq qeyd etdilər ki, Ulu öndər Heydər Əliyev insanların sağlamlığına həmişə önəm vermişdir. Bu gün də bu ənənə respublikamızda böyük ruh yüksəkliyi ilə davam etdirilir. Tədbirin sonunda qaliblər məktəb rəhbərliyi tərəfindən “ Diplom”larla mükafatlandırıldılar.
