Yol hərəkəti nişanları
Məktəbimizin 2b sinfində yol hərəkəti nişanları ilə bağlı tədbir təşkil edildi. Tədbir Azərbaycan Respublikasının Dövlət Himni ilə başlandı. Əvvəlcə sinif müəllimi yol hərəkəti nişanlarının nəqliyyat vasitələri və insanların təhlükəsiz, nizamlı hərəkətini təmin etmək barəsində, həmçinin yol hərəkəti iştirakçılarını məlumatlandırmaq üçün qurulmuş qrafik nişanlar haqqında ətraflı məlumat verdi. Şagirdlər yol nişanlarının ayrı-ayrı qruplarının istifadə məqsədlərinə dair bildiklərini qeyd etdilər. Yol hərəkəti nişanlarına həsr olunmuş şeirlər səsləndi, videoçarx nümayiş etdirildi. Tədbir “Yol nişanları” mahnısı ilə başa çatdı.
