Heydər Əliyev və Azərbaycan tarixi
Bakı Şəhəri İcra Hakimiyyətinin təşəbbüsü və Xəzər Rayonu İcra Hakimiyyətinin təşkilatçılığı ilə 11.04.2023-cü il tarixində Heydər Əliyevin anadan olmasının 100 illik yubileyinə həsr olunmuş “Heydər Əliyev və Azərbaycan tarixi” adlı elmi-praktik konfrans keçirildi. Bakı Şəhəri Xəzər Rayon İcra Hakimiyyətini təmsil edən nümayəndələr bu konfransın əhəmiyyəti haqqında danışaraq Ulu öndərin Azərbaycan xalqının tarixindəki rolundan və xidmətlərindən bəhs etdilər. Söz elmi-praktik konfransda iştirak edən məktəblilərə verildi. Rayonun 33 məktəbi arasından seçilmiş 10 məktəbin arasında 92 №-li tam orta məktəbin 10a şagirdi A.Musayev “XIX əsrin II yarısı Azərbaycanın neft sənayesi” mövzusunda referat məruzəsini təqdim etdi. İştirakçı məktəblilərin çıxışlarından sonra referatların təqdimatına Bakı Şəhəri İcra Hakimiyyətinin nümayəndəsi öz münasibətini bildirdi. O, Azərbaycan dövlətinin və xalqının müasir, yeni tarixini yazan Ulu öndər Heydər Əliyevin 100 illik yubileyinэ öz töhfələrini verən məktəblilərin tədqiqatçılıq fəaliyyətini yüksək dəyərləndirdi. Sonda “Heydər Əliyev və Azərbaycan tarixi” adlı elmi - praktik konfransda fəal iştirak etdiklərinə görə hər bir məktəbliyə Bakı Şəhər Xəzər Rayonu İcra Hakimiyyəti tərəfindən “Təşəkkürnamə” təqdim edildi və konfrans iştirakçıları ilə birgə şəkil çəkdirildi.
