Heydər Əliyev və milli adət-ənənələrimiz
27.03.2023- cü il tarixdə məktəbimizin IX a sinif şagirdlərinin iştirakı ilə “H.Əliyev və milli adət-ənənələrimiz” adlı videoçarx nümayiş olundu. Nümayişdən əvvəl çıxışlarda qeyd edildi ki, ümummilli liderimiz H.Əliyev Azərbaycana rəhbərlik etdiyi dövrlərdə həmişə xalqımızın milli-mənəvi dəyərlərinin qorunmasına, xalqın adət-ənənələrinin zənginləşdirilməsinə çalışmışdır. Respublikamızda ikinci dəfə hakimiyyətə gələn ulu öndər H.Əliyev ilk gündən Azərbaycan xalqının milli dəyərlərinə sadiq olduğunu öz fəaliyyəti, əməlləri və bu sahədə həyata keçirdiyi tədbirlər vasitəsilə sübut etmişdir. Ətraflı çıxışlardan sonra xalqımızın öz milli ənənələrinə sədaqətinin parlaq ifadəsi olan, həmçinin gənclərimizin bu ruhda tərbiyə olunmasında H.Əliyevin xidmətlərini yada salan videoçarx nümayiş edildi.
