Xoş avazlı Novruz gəlir
17.03.2023-cü il tarixində məktəbimizin 2b sinfində Novruz bayramına həsr olunmuş “Xoş avazlı Novruz gəlir” adlı tədbir təşkil edildi. Tədbir Azərbaycan Respublikasının Dövlət Himni ilə başladı. Novruz xonçası bəzədildi, səməni düzüldü. Sinif müəllimi Əskərova Məxrub Novruz bayramının adət-ənənələri, yazın gəlişi, torpağın oyanışı haqqında məlumat verdi. Bahar bayramının rəmzi obrazları Kosa və Keçəl tədbirə çağırıldı, çıxışları ilə uşaqların üzündə təbəssüm yaratdılar. Şagirdlər şeirləri, rəqsləri ilə şənliyə rəng qatdılar. Qızlar xəmir açıb Novruz bayramının atributlarından olan şəkərbura hazırladılar. Şagirdlər Bahar bayramının adətlərindən olan yumurta döyüşü etdilər. Tədbir “Novruz gəlir” rəqsi ilə başa çatdı.
