5 Mart-Bədən Tərbiyəsi və İdman Gününə həsr olunmuş rəsm sərgisi
Xəzər rayonunda 5 Mart - Bədən Tərbiyəsi və İdman Gününə həsr olunmuş rəsm sərgisi keçirilib. Martın 3-də Xəzər Rayon Gənclər və İdman İdarəsi və "Xəzər Gənclər Evi" Sosial Xidmət Müəssisəsinin birgə təşkilatçılığı ilə 5 Mart - Bədən Tərbiyəsi və İdman Gününə həsr olunmuş rayon ümumtəhsil müəssisələrinin şagirdləri arasında rəsm sərgisi təşkil olunub. Sərgidə Xəzər rayon Gənclər və İdman İdarəsinin rəisi Vüqar Əliyev, Xəzər Gənclər Evinin Rəsm Klubunun rəhbəri Nofəl Abbasquliyev, Vətən Kikboksinq Klubunun direktoru Anar Heydərquliyev, Gənclər Evinin əməkdaşları və rayon ümumtəhsil müəssisələrinin şagirdləri iştirak ediblər. İlk öncə qonaqlar tərəfindən sərgiyə baxış keçirilib və iştirakçılara uğurlar arzu edilmişdir.
