"Xocalı uşaqların gözü ilə" mövzusunda rəsm sərgisi
24.02.2023 tarixində məktəbimizdə təsviri incəsənət müəllimi A. Məmmədlinin təşkilatçılığı ilə " Xocalı uşaqların gözü ilə" mövzusunda rəsm sərgisi kecirildi. Əvvəlcə Xocalı soyqırımı qurbanlarının xatirəsi bir dəqiqəlik sükutla yad edilib. "Xocalı sakinləri bütün çətinliklərə baxmayaraq, son anadək öz yurd-yuvalarını tərk etmədilər, yüzlərlə insan şəhid oldu. İllər keçsə də, xalqımız bu günü daim xatırlayacaq, unutmayacaq. Bugünkü sərginin əhəmiyyəti ondadır ki, şagirdlər bu faciəyə öz baxışlarını, münasibətlərini çəkdikləri rəsmlərlə bildirirlər. Xocalı hadisəsi baş verəndə bu uşaqlar heç dünyaya gəlməmişdilər, əksəriyyəti isə aşağı sinif şagirdləridir, hələ məktəbdə tarix dərsi də keçməyiblər. Amma onlar sərgiyə bu cür dəyərli rəsmlər təqdim ediblər. Sözsüz ki, bu rəsmlər onların Xocalı haqqında eşitdikləri, oxuduqları məlumatlar əsasında yaranıb". Xocalı soyqırımını tanıtmaq, bu tarixi gerçəyi dünyaya çatdırmaq hər birimizin vətəndaşlıq borcumuzdur. Bu işdə incəsənət sahəsində çalışanların da üzərinə məsuliyyət düşür. Belə rəsm sərgilərinin mühüm cəhəti ondadır ki, bu əsərlər uzun illər qalır, daim yaşayır. Bu rəsmlər Azərbaycanın tarixidir. Bu uşaqların içərisindən gələcəyin böyük rəssamları çıxacaq və onlar bu günü mütləq xatırlayacaqlar. Sərgidə şagirdlərin çəkdikləri rəsmlərə baxış keçirilib.
