20 Yanvar -Ümumxalq Hüzn Günü
18.01.2023-cü il tarixində məktəbimizdə 20 Yanvar- Ümumxalq Hüzn Günü ilə bağlı tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı. Daha sonra şəhidlərimizin ruhu bir dəqiqəlik sükutla yad edildi.Tədbirdə təlim-tərbiyə işləri üzrə direktor müavini, müəllimlər və şagirdlər iştirak etdilər. Tədbir iştirakçıları milli birlik və vətənpərvərliyin simvoluna çevrilmiş 20 Yanvar faciəsinin xalqımızın müstəqilliyi uğrunda apardığı mübarizənin şərəfli tarixi olduğunu qeyd etdilər. Həmçinin Ali Baş komandamız İlham Əliyevin rəhbərlik etdiyi müzəffər ordumuzun 2020-ci ilin sentyabrın 27-dən başladığı vətən müharibəsinin zəfərlə başa çatdığını, şəhidlərimizin qisasının alındığını vurğuladılar Tədbir 20 Yanvar faciəsi ilə bağlı videoçarxların nümayişi və şagirdlərin ifasında faciə qurbanlarının xatirəsinə ithaf olunan şeirlərin səsləndirilməsi ilə davam etdi.
