Həmrəylik Günü
28.12.2022-ci il tarixində məktəbimizdə 31 Dekabr-Dünya Azərbaycanlılarının Həmrəyliyi Gününə həsr olunmuş tədbir keçirildi. Akt zalında təşkil edilmiş tədbirdə məktəbin müəllim və şagird kollektivi iştirak etdi. Tədbir aparıcıları tərəfindən iştirakçılara Həmrəylik Gününün tarixi barədə ətraflı məlumat verildi. Bu günün qeyd olunmasının əhəmiyyətini əks etdirən videoçarxlar nümayiş olundu. Xalqımızı milli birliyə, həmrəyliyə səsləyən şeirlər, mahnılar səsləndirildi, şux rəqslər ifa olundu.
