Peşəkarlıq yolunda
Məktəbimizdə BŞTİ -nin 31.10.2022-ci il tarixli F-360 nömrəli əmri ilə təsdiqlənmiş “Peşəkarlıq yolunda” layihəsi ilə bağlı silsilə tədbirlər davam etdirilir. Bu gün şagirdlərin düzgün ixtisas və peşə seçimi, uğurlu karyera barədə məlumatlandırılması məqsədilə 8 c sinfində şagirdlərin müxtəlif fəaliyyət sahələrinə olan maraqlarının müəyyən olunması üçün anket sorğusu keçirildi. Sorğu-anketdə şagirdlərin müxtəlif peşə və fəaliyyət sahələri haqqında bilgilərinin səviyyəsi müəyyənləşdirildi. IX ç sinfində isə peşə təhsili ilə bağlı maarifləndirici söhbət və müzakirələr aparıldı. Müasir dövrdə təhsilalanların peşə və ixtisaslar üzrə tələb olunan bilik, bacarıq və səriştələrə yiyələnməsi üçün maarifləndirmə tədbirlərinin vacibliyi qeyd olundu. Şagirdlərin maraq və qabiliyyətlərinə uyğun ixtisas və peşə seçiminə yönəldilməsi istiqamətində məktəbin, fənn müəllimlərinin, sinif rəhbərlərinin və valideynlərin üzərinə düşən vəzifələrdən bəhs olundu.
