Məzunlarla görüş keçirildi
Məktəbimizdə “Məktəb illərindən sevdiyim peşəyə sahib oldum” mövzusunda məzunlarla görüş keçirildi. Görüşdə müxtəlif peşələrə yiyələnmiş məzunlar iştirak etdilər. Onlar uşaqlıq arzuları, unudulmaz məktəb illəri ilə bağlı xatirələrini bölüşdülər. Bu dövrdə əldə etdikləri bilik və bacarıqlara görə orta məktəbə, dərs aldıqları müəllimlərə borclu olduqlarını dilə gətirdilər. Sevdikləri peşələrə sahib olmuş məzunlar öz məqsədlərinin ardınca getdiklərini, hədəfə çatmaq üçün yorulmadan çalışdıqlarını bildirdilər və həyat təcrübələrindən çıxış edərək böyüməkdə olan gənc nəslə müvafiq tövsiyələrini verdilər. Məzunların çıxışları görüş iştirakçıları tərəfindən maraqla qarşılandı.
