Yaradıcılıq işlərinin təqdimatı
Məktəbimizin VIb sinfində “Təbiəti qoruyanlar” adlı layihə çərçivəsində şagirdlərin yaradıcılıq işlərinin təqdimatı keçirildi. Bacarıqlı şagirdlər bitki və meyvə toxumlarından istifadə etməklə tarixi memarlıq abidələrimiz olan Qız qalası, Şuşa qalası, eyni zamanda müxtəlif formalarda zərif çiçəklər və fiqurlar hazırlayaraq nümayiş etdirdilər. Şagirdlərin böyük həvəslə və ustalıqla yaratdıqları əl işləri hamı tərəfindən maraqla qarşılandı, həmçinin istedadların üzə çıxarılması istiqamətində xüsusi əhəmiyyət daşıdı.
