İstiqlal şairi - Əhməd Cavad
Azərbaycan Respublikası Prezidentinin Əhməd Cavadın anadan olmasının 130 illiyi haqqında 2022-ci il 20 aprel tarixli Sərəncamına əsasən ölkəmizin hər yerində olduğu kimi məktəbimizdə də silsilə tədbirlər həyata keçirilir. Bu gün məktəbimizdə keçirilən ”İstiqlal şairi-Əhməd Cavad” adlı tədbirdə də görkəmli şairin xatirəsi ehtiramla yad edildi. Tədbir Azərbaycan Respublikasının Dövlət Himninin səsləndirilməsi ilə başladı. Şagirdlərin ifasında şeirlər, mahnılar dinlənildi. Məruzə ilə çıxış edənlər Əhməd Cavadın mübarizələrlə dolu 45 illik həyat yolundan, “Mən çeynənən bir ölkənin haqq bağıran səsiyəm!” deyərək qamətini dik tutan ölməz şairin yaradıcılığından ürəklə danışıldı. Tədbir Əhməd Cavada həsr olunmuş videoçarxın izlənilməsi ilə sona çatdı.
