Azadlıq müjdəçisi
Məktəbimizin IXa sinifində Azərbaycan dili və ədəbiyyat müəlliminin təşkilatçılığı ilə yüksək istedada malik vətənini, xalqını böyük məhəbbətlə sevən türk oğlu Əhməd Cavadın yaradıcılığına həsr olunmuş konfrans keçirildi. Şagirdlər azadlıq və istiqlaliyyət uğrunda öz əsərləri ilə mübarizə aparan şairin yaradıcılıq yoluna nəzər yetirdilər. Çıxışlarında şairin şeirlərinin türk xalqlarının, doğma Azərbaycanının apardığı azadlıq mücadiləsində nə qədər böyük rol oynadığı qeyd olundu. Şairin əsərlərindən parçalar səsləndirildi.
