Əhməd Cavadın 130 illik yubileyinə həsr olunan dəyirmi masa
Məktəbimizin VIIIb sinif şagirdlərinin iştirakı ilə dəyirmi masa təşkil edildi. Dəyirmi masa görkəmli Azərbaycan şairi Əhməd Cavadın 130 illik yubileyinə həsr olundu. Azadlıq ideyalarının carçısı, böyük vətənpərvər, Xalq Cumhuriyyətinin öncüllərindən biri, yurdumuzun nəğməkarı olan şairin keşməkeşli həyatı və çoxşaxəli yaradıcılığı barəsində ətraflı məlumat verildi. İştirakçılar qüdrətli qələm sahibinin ədəbi irsinə daxil olan əsərlərdən nümunələr söylədilər, doğma Vətənimizi tərənnüm edən şeirlər səsləndirdilər. Ədəbiyyat tariximizə şərəfli imzasını atan görkəmli şəxsiyyətin həyat və yaradıcılıq yolunun gələcək nəsillərə hər zaman örnək olacagını qeyd etdilər.
