12 Noyabr-Azərbaycan Respublikası Konstitusiyası Günüdür
Məktəbimizdə “12 Noyabr - Azərbaycan Respublikası Konstitusiyası Günü ” nə həsr olunmuş tədbir keçirildi. Tədbir Azərbaycan Respublikasının Dövlət himninin səsləndirilməsi ilə başladı. Akt zalında təşkil edilən tədbirdə şagirdlərə Azərbaycan Respublikası Konstitusiyasının təşəkkül tarixi haqqında ətraflı məlumat verildi. Dahi lider Heydər Əliyevin bilavasitə rəhbərliyi ilə hazırlanan və 1995-ci il noyabrın 12-də ümumxalq səsverməsi yolu ilə qəbul edilən ilk milli konstitusiyanın dövlətçilik tariximizdə yeni bir mərhələ açdığı, dövlət quruculuğunda, iqtisadiyyatda və ictimai-siyasi həyatda dinamik inkişafa güclü təkan verdiyi şagirdlərin diqqətinə çatdırıldı. Çıxış edən şagirdlər konstitusiyanın təhlükəsizliyimizin qorunmasında, inkişafa, qarşılıqlı münasibətlərin düzgün qurulmasında əsas vasitə olduğunu bildirdi. Tədbirdə konstitusiya tariximizə həsr olunmuş videoçarxlar göstərilib və ədəbi-bədii kompozisiyalar nümayiş etdirildi.
