Qarabağ Azərbaycandır!
Məktəbimizdə 8 Noyabr – Zəfər Günü ilə əlaqədar olaraq “Qarabağ Azərbaycandır!” mövzusunda tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı. Sonra torpaqlarımızı düşmən tapdağından azad edərkən şəhid olmuş əsgərlərimizin, zabitlərimizin xatirəsi bir dəqiqəlik sükutla yad edildi. Tədbirdə şanlı zəfər tarixini əks etdirdən videoçarxlar nümayiş etdirildi. Şagirdlər 44 günlük Vətən müharibəsi ərzində 30 ilə yaxın işğal altında olan torpaqlarımızı mənfur düşmənlərdən azad edən şəhidlərimizin əziz xatirəsinə və qazilərimizə ithaf olunmuş şeirlər səsləndirdilər, səhnəciklər nümayiş etdirdilər. Tədbir ölümü ilə ölümsüzlüyə qovuşan, adı dillər əzbəri olan şəhid Xudayar Yusifzadənin əziz xatirəsinə ehtiram əlaməti olaraq “Vətən yaxşıdır” musiqisinin sədaları altında başa çatdı.
