Məktəbli Ekokönüllülər Beynəlxalq sərgidə iştrak edib
Elm və Təhsil Nazirliyi tərəfindən elan edilən Təhsildə İnkişaf və İnnovasiyalar üzrə VI qrant müsabiqəsi çərçivəsində həyata keçrilən “Məktəbli EKOkönüllü” layihəsinin iştirakçıları “Təmiz Şəhər” Açıq Səhmdar Cəmiyyətinin dəstəyi ilə 2-ci Azərbaycan Beynəlxalq “Qarabağın Bərpa, Yenidənqurma və İnkişafı” sərgisində iştrak edib. İştirak çərçivəsində “Təmiz Şəhər” ASC stendində olan məktəblilərə Cəmiyyətin Şöbə müdiri Orxan Cabbarov və əməkdaşları tullantıların idarə olunması ilə bağlı maarifləndirici söhbət aparıb, Balaxanı Sənaye Parkında fəaliyyət göstərən tullantıların çeşidlənməsi və təkrar emalla məşğul olan müəssisələrlə bağlı film nümaiş etdirilib. Ekokönülüllərə xüsusi məlumat kitabları hədiyyə edilib. Daha sonra Türkiyənin öndə gələn şirkətlərindən olan Alpaslan Endüstiri şirkətinin stendini ziyarət edən Məktəbli Ekokönüllülərə şirkətin məhsulları, təkrar emalın iqtisadiyata və ətraf mühitə verəcəyi töhfələrlə bağlı məlumat verilib. Şirkət rəhbərliyi tərəfindən məktəblilərə xüsusi geyim və dəftərxana ləvazimatları hədiyyə edilib. Şirkətin İdarə Heyyətinin üzvü Mustafa Alpaslan Qarabağın inkişafına verə biləcəkləri töhfələrdən və bu istiqamətdə görülən işlərdən şagirdlərə ətraflı məlumat verib. Beynəlxalq sərgidə təmsil olunan Türkiyənin Gözütok Metal şirkətinin stendində Məktəbli Ekokönüllüllər şirkətin istesalı olan tullantıların keçidlənməsi və asan toplanması üçün hazırlanmış elektron qurğu ilə tanış oldular. Şirkət təmsilçisi Ali Bulut məktəblilərə tullantıların düzgün idarə olunması və çeşidlənməsinin Türkiyə təcürbəsi ilə bağlı geniş məlumat verib. Tullantıların idarə olunması ilə bağlı Türkiyə təcrübəsini əks etdirən məlumat vərəqləri şagirdlərə paylanılıb.
