Füzulinin işğaldan azad olunması
Məktəbimizdə Füzuli rayonunun işğaldan azad olunması münasibətilə tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı. Tədbirdə Tərbiyə işləri üzrə direktor müavini, müəllimlər və şagirdlər iştirak etdilər. Məktəbin tarix müəllimi Azərbaycan tarixinin parlaq səhifəsi II Qarabağ müharibəsi, müharibənin gedişatı, torpaqlarımızın, o cümlədən Füzuli rayonunun işğaldan azad olunması haqqında məlumat verdi. Tədbir iştirakçıları da Füzuli rayonunun azad olunması və orada aparılan abadlıq quruculuq işləri barədə hazırladıqları geniş məruzələrlə çıxış etdilər. Füzuli rayonunda Füzuli Beynəlxalq Hava Limanının inşasının rayonun strateji əhəmiyyətini daha da artırdığını və bu kimi layihələrin Azərbaycanın tarixi torpaqlarına Böyük Qayıdışı üçün vacibliyi vurğulandı. Tədbirdə həmçinin 44 günlük müharibəni, şanlı zəfər tariximizi əks etdirən videoçarxlar da nümayiş etdirildi.
