Əziz Şuşa sən azadsan!
04.10.2022-ci il tarixində Azərbaycanın incisi olan qədim Şuşanın işğaldan azad olunmasının əhəmiyyətinin təbliğini gücləndirmək məqsədilə “Əziz Şuşa, sən azadsan!” mövzusunda inşa yazı müsabiqəsinin məktəb mərhələsi təşkil olundu. Müsabiqədə IX-XI sinif şagirdləri iştirak etdilər. Onlar yazılarında bu tarixi və şanlı qələbənin Azərbaycanın yüz illik tarixinin ən möhtəşəm müjdəsi olduğunu vurğuladılar. Xalqımızın qədim və mədəni irsində xüsusi yeri olan Şuşanın 28 illik həsrətinə müzəffər ordumuzun və Ali Baş Komandanın əzmi sayəsində son qoyulduğu inşalarda qeyd olundu. Müsabiqənin sonunda fərqlənən şagirdlər növbəti mərhələdə iştirak hüququ qazandılar.
