Cəbrayıl azaddır!
04.10.2022-ci il tarixdə məktəbimizin 2b sinif şagirdlərinin iştirakı ilə Cəbrayıl rayonunun işğaldan azad olunmasının növbəti ildönümünə həsr olunmuş tədbir keçirildi. Tədbirin əvvəlində müəllim II Qarabağ müharibəsi dövründə qazanılmış tarixi qələbə haqqında ətraflı çıxış etdi. Sonra söz şagirdlərə verildi. İştirakçılar qəhrəman ordumuzun 44 günlük şərəfli zəfər yolunu əks etdirən şeirlər səsləndirdilər. Tədbirin sonunda xalqımızın mərd oğullarının şücaəti nəticəsində torpaqlarımızın işğaldan azad olunmasından, heç vaxt yaddaşlardan silinməyəcək tarixi anlardan bəhs edən videoçarxlar nümayiş olundu.
