Anım Günü
27 Sentyabr 2022-ci il tarixində məkəbimizdə II Qarabağ müharibəsində qəhrəmancasına döyüşmüş ölkəmizin ərazi bütövlüyü uğrunda canlarını fəda etmiş əsgər və zabitlərimizin, bütün şəhidlərimizin ruhuna dərin ehtiram əlaməti olaraq Anım Günü keçirildi. 2020-ci il dekabrın 2-də Azərbaycan Resbuplikasının Prezidenti İlham Əliyevin ‘’ Anım Gününün təsis edilməsi haqqında’’ imzaladığı sərəncama əsasən şəhidlərimizin müqəddəs ruhu bir dəqiqəlik sükutla yad edildi. Tədbirdə çıxış edənlər bu günün həm kədərli, həm də qürurverici bir gün olduğunu qeyd etdilər. Şəhidlərimizin ruhuna ehtiram əlaməti olaraq şagirdlərin ifasında şeir və mahnılar səsləndirildi, onların əfsanəvi qəhrəmanlığı haqqında məlumatlar dinlənildi. Tədbirin sonunda şəhidlərimizin qəhrəmanlığı ilə bağlı videoçarx nümayiş etdirildi.
