27 sentyabr- Anım Günü
23.09.2022-ci il tarixdə məktəbimizin akt zalında 27 sentyabr-Anım Günü ilə əlaqədar tədbir keçirildi. Tədbirin əvvəlində şagirdlər Azərbaycan Respublikasının Dövlət Himnini səsləndirdilər. Sonra torpaq uğrunda canlarını qurban vermiş şəhidlərin xatirəsi bir dəqiqəlik sükutla yad edildi. Şagirdlər Vətən müharibəsi barədə tədbir iştirakçılarına ətraflı məlumat verdilər. Çıxışlarda qeyd edildi ki, bu müharibə bizim şanlı tariximiz, şəhidlər və qazilər isə qürur mənbəyimizdir. Tədbirdə eyni zamanda Anım Günü ilə bağlı maarifləndirici videoçarxlar da nümayiş olundu.
