İlk dərs günü
15.09.2022 -ci il tarixində 92 nömrəli tam orta məktəbdə dərslər başladı. Məktəbə ilk dəfə qədəm basan 1 -cilər müəllimlərinin köməyi ilə sıraya düzüldülər. Dövlət Himni səsləndikdən sonra şəhidlərin xatirəsi bir dəqiqəlik sükutla yad olundu. Məktəbin direktoru Azər Həsənov məktəbliləri və pedaqoji kollektivi yeni dərs ilinin başlanması münasibətilə təbrik etdi. O, öz çıxışında vətən uğrunda şəhid olan Azərbaycan əsgərlərinin qəhrəmanlığını vurğuladı və şagirdləri vətəni sevməyə, ona layiq övlad olmağı arzuladı.
