Əlvida məktəb
14.06.2022- ci il tarixdə məktəbimizdə 2021-2022-ci tədris ilinə həsr olunmuş “Son zəng” tədbiri keçirildi. Tədbirdə məktəb rəhbərliyi, müəllim heyəti, valideynlər və ictimaiyyət nümayəndələri iştirak etdilər. Tədbir Azərbaycan Respublikasının Dövlət Himninin səsləndirilməsi ilə başladı. Məzunlar “Son zəng” mahnısının sədaları altında birincilərlə birlikdə səhnəyə dəvət olundular. Məktəbin direktoru Azər Həsənov məktəbliləri təbrik etdi. O çıxışında bildirdi ki, insanın həyatında ən yaddaqalan, əlamətdar günlərdən biri də Son zəngdir. Həyatın keşməkeşli yollarında uşaqlara uğurlar arzuladı. Daha sonra məktəbin təlim-tərbiyə işləri üzrə direktor müavini Məlahət Osmanova, XI a sinfinin sinif rəhbəri Aysel Rəhimova çıxış edərək uşaqları təbrik etdilər. Tədbirdə II Qarabağ savaşında vətən uğrunda canından keçən şəhidlərimizin əziz xatirəsi də hörmətlə yad edildi. Məzunlar şəhid Xudayarın mahnısını ifa etdilər. Tədbir şagirdlərin ifaları, şeirləri və rəqsləri ilə davam etdi.
