Ramazan bayramı
28.04.2022-ci il tarixdə məktəbimizdə X a sinif şagirdlərinin iştirakı ilə Ramazan bayramına həsr olunmuş tədbir keçirildi. Tədbirdə şagirdlər Ramazan bayramının tarixi, xalqımızın mənəvi dəyərlər sistemində yeri barəsində ətraflı məlumat verdilər. İştirakçılar bildirdilər ki, Ramazan ayı insanlara Allahı sevmək prinsiplərini öyrədir, onlara öz qüvvələrini, dözümlülüyünü yoxlamaq imkanı verir, onları təmiz, vicdanlı olmağa yönəldir. Söylənilən fikirlərlə yanaşı, bayramın ölkə səviyyəsində geniş qeyd olunmasının əhəmiyyətini əks etdirən slaydlar da nümayiş olundu.
