Milli oyunlarımızı yaşadan bayram
Milli bayramlarımız milli-mənəvi dəyərlərimizi, keçmişimizi özündə yaşadır. Belə bayramlarımızdan biri də Novruz bayramıdır. Bu bayram bizim məktəbimizdə də yüksək əhval-ruhiyyə ilə qarşılanır. Bayram ərəfəsində məktəbimizdə nümayiş etdirilən milli oyunlar şagirdlərin böyük marağına səbəb olur. Elə “Milli oyunlarımızı yaşadan bayram” mövzusunda keçirilən tədbirdə də şagirdlərimiz həvəslə iştirak etdilər. Tədbirdə çıxış edənlər milli oyunlarımızın tarixi əhəmiyyəti haqqında geniş məlumat verdilər. Eyni zamanda şagirdlərin iştirakı ilə keçirilən oyunlar tədbir iştirakçılarının böyük marağına səbəb oldu. Tədbirin sonunda milli oyunlarımızla bağlı videoçarx nümayiş etdirildi.
