Bahar çələngi
17.03.2022-ci il tarixdə məktəbimizdə “Bahar çələngi” adlı Novruz bayramı şənliyi keçirildi. Tədbir Azərbaycan Respublikasının Dövlət Himninin səsləndirilməsi ilə başladı. Aparıcılar çıxışlarında Novruz bayramı adət-ənənələri haqqında geniş məlumat verərək qeyd etdilər ki, təbiətin, həyatın oyanması Novruzdan başlanır. Azərbaycan xalqı bu bayramı çox təntəli və özünəməxsus şəkildə qeyd edir. Kosa, Keçəl, Bahar qızı, səməni, çərşənbələr, bayram şirniyyatları-şəkərbura, paxlava, qoğal Novruzun simvolu hesab olunur. Şagirdlərin hazırladıqları səhnəciklər, müxtəlif intellektual oyunlar, ifa etdikləri mahnılar tədbirə xüsusi rəng qatdı və tədbir iştirakçıları tərəfindən alqışlarla qarşılandı.
