Bahar çələngi
11.03.2022-ci il tarixdə məktəbimizin IXb sinfinin iştirakı ilə “Bahar çələngi” adlı tədbir keçirildi. Sinif rəhbəri çıxış edərək Novruz bayramının gəlişi münasibətilə iştirakçıları təbrik etdi. Milli-mənəvi dəyərlərimizi yaşadan bu bayramın ölkəmizdə hər il təntənə ilə qeyd olunduğunu diqqətə çatdırdı. Baharın gəlişini yüksək əhval-ruhiyyə ilə gözləyən şagirdlər maraqlı kompozisiya ilə çıxış etdilər. Novruz bayramının adət-ənənələri, çərşənbələr haqqında geniş məlumat verildi, videoçarxlar nümayiş olundu. Bahar ətirli şeirlər tədbirə xüsusi rəng qataraq dinləyicilərdə xoş ovqat yaratdı.
