Novruz milli bayramımızdır
05.03.2022-ci il tarixdə məktəbimizdə IXa sinif şagirdlərinin iştirakı ilə Novruz bayramına həsr olunmuş tədbir keçirildi. Tədbirdə sinif şagirdləri Novruz bayramının tarixi, milli adət-ənənələri, xalqımızın mənəvi dəyərlər sistemində xüsusi yeri barəsində ətraflı mühazirələr səsləndirdilər. Iştirakçılar bildirdilər ki, Novruz bayramı Azərbaycan xalqının qədim tarixi köklərinə söykənərək milli ruhu özündə təcəssüm etdirir. Tədbirdə çıxışlarla yanaşı bayramın ölkə səviyyəsində geniş qeyd olunmasının əhəmiyyətini əks etdirən slaydlar nümayiş olundu.
