Mübariz, iradəli və sağlam olaq
Bədən Tərbiyəsi və İdman Günü ilə bağlı keçirilən tədbirlər şagirdlərin idmana olan marağının artması, sağlam həyat tərzinin təbliği məqsədi daşıyır. Məktəbimizdə də belə silsilə tədbirlər keçirilir. Şagirdlərimiz tədbirlərdə ruh yüksəkliyi ilə iştirak edirlər. 04.03.2022-ci il tarixdə yuxarı sinif şagirdləri arasında “Mübariz, iradəli və sağlam olmaq üçün idmanla məşğul olmalıyıq” mövzusunda keçirilən esse yazı müsabiqəsində də şagirdlərimiz həvəslə iştirak etdilər. “Sağlam bədəndə sağlam ruh olar” aforizminə əsaslanan şagirdlər sağlam gələcəyin bugünkü idmanla başladığını öz yazılarında əks etdirmişdilər.
