Ana Dili Günü
18.02.2022-ci il tarixdə məktəbimizdə “21 Fevral Ana Dili Günü”nə həsr olunmuş tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı. Tədbirdə məktəbin təlim-tərbiyə işləri üzrə direktor müavini Məlahət Osmanova, tərbiyə işləri üzrə direktor müavini Oktay Musayev, Azərbaycan dili və ədəbiyyat müəllimi Aysel Rəhimova başda olmaqla digər müəllim və şagird kollektivi iştirak etdi. A.Rəhimova çıxış edərək ana dilinin cəmiyyətin təşəkkülündəki əvəzsiz rolu haqqında məlumat verdi. Çıxışlarla yanaşı, dilimizin xalqın varlığının təzahürü, mənliyinin, mənəviyyatının əksi olduğunu bildirən videoçarxlar nümayiş olundu. Şagirdlərin mövzu ilə bağlı səsləndirdikləri şeirlər və musiqi ifaları da tədbir iştirakçıları tərəfindən alqışlarla qarşılandı.
