20 Yanvar faciəsi
17.01.2022-ci il tarixdə məktəbimizdə kitabxana müdiri Gülçöhrə Mirzəyeva, kitabxanaçı Şəhla Rəsulova, Uşaq Birliyi Rəhbəri Aysel Əlişovanın təşkilatçılığı ilə 20 Yanvar faciəsinin 32-ci ildönümü ilə əlaqədar məktəb kitabxanasında tədbir keçirildi. Tədbirin əvvəlində Azərbaycan Respublikasının Dövlət Himni səsləndirildi və şəhidlərimizin ruhu bir dəqiqəlik sükutla yad edildi. Tərbiyə işləri üzrə direktor müavini Oktay Musayev çıxış edərək bu əlamətdar günün tarixi haqqında tədbir iştirakçılarına məlumat verdi. Tədbirdə 20 Yanvar faciəsini əks etdirən kadrlar videotəqdimat formasında nümayiş etdirildi. Şagirdlərin faciə ilə bağlı hazırladıqları əl işləri tədbir iştirakçıları tərəfindən maraqla qarşılandı. Tədbir iştirakçıların səsləndirdikləri 20 yanvar faciəsi ilə bağlı şeir və məruzələrlə davam etdi.
