Həmrəyliyimiz əbədidir
28.12.2021-ci il tarixdə 92 №-li tam orta məktəbdə Dünya Azərbaycanlılarının Həmrəylik Gününə həsr olunmuş tədbir keçirildi. Tədbirdə məruzə ilə çıxış edənlər Dünya Azərbaycanlılarının Həmrəylik Gününün tarixi ilə bağlı geniş məlumat verdilər. Tədbirdə işğal altında olan torpaqlarımızın azad olunmasında dünya azərbaycanlılarının bir yumruq kimi birləşməsi məsələsinə də geniş yer verildi. Şagirdlərin ifasında dünya azərbaycanlılarının birliyi, vətənpərvərliyi ilə bağlı səslənən şeir və mahnılar dinləyicilər tərəfindən böyük maraqla qarşılandı. Tədbir videoçarxlar və slaydların nümayiş etdirilməsi ilə başa çatdı.
