Heydər Əliyevin Anım Günü
10.12.2021-ci il tarixdə məktəbimizdə ümumilli lider Heydər Əliyevin xatirəsinə həsr olunmuş Anım Günü keçirildi. VIII a sinifinin sinif rəhbəri E.Salmanova tərəfindən təşkil olunan tədbirdə tarixə müstəqil Azərbaycanın memarı, dahi siyasətçi kimi daxil olan ulu öndərin şərəfli ömür yoluna bir daha nəzər salındı. Azərbaycan xalqının yaddaşında xilaskar dövlət xadimi, milli lider və xalq məhəbbətini qazanan öndər kimi qalmış böyük şəxsiyyətin həyat və fəaliyyəti haqqında iştirakçılar ətraflı məlumat verdilər. Çıxışlarda xüsusi qeyd edildi ki, müasir Azərbaycan dövləti H.Əliyevin şah əsəridir. Tədbirdə şagirdlərin ifasında dahi şəxsiyyətə ithaf olunan şeirlər və musiqilər ifa edildi, onun bənzərsiz fəaliyyətini əks etdirən video-slaydlar nümayiş olundu.
