Zəfər Günü
05.11.2021-ci il tarixdə məktəbimizdə 8 Noyabr Zəfər Gününə həsr olunmuş tədbir keçirildi. Tədbirdə məktəbimizin direktoru Azər Həsənov, təlim-tərbiyə işləri üzrə direktor müavini Məlahət Osmanova, tərbiyə işləri üzrə direktor müavini Oktay Musayev, sinif rəhbərləri və fənn müəllimləri iştirak etdilər. Tədbir Azərbaycan Respublikasının Dövlət Himninin səsləndirilməsi ilə başladı, sonra Azərbaycan xalqının azadlığı uğrunda şəhid olan vətən övladlarının əziz xatirəsi bir dəqiqəlik sükutla yad edildi. Məktəbimizin təlim-tərbiyə işləri üzrə direktor müavini M. Osmanova da şanlı zəfər tarixini əks etdirən məruzəsini təqdim etdi. Tədbirin fəxri qonağı olan Qarabağ qazisinin çıxışı dinləyicilərə qürurverici anlar yaşatdı. Şagirdlərin nümayiş etdirdikləri bədii kompozisiya, 44 günlük zəfər yoluna həsr olunan videoçarxlar tədbirə xüsusi rəng qatdı.
