Milli Müstəqillik Günü
15.10.2021-ci il tarixdə məktəbin akt zalında 18 Oktyabr Milli Müstəqillik Gününə həsr olunmuş tədbir keçirildi. Tədbir Leyla Əliyevanın rəhbərlik etdiyi VIIIb sinif şagirdlərinin və Hüsniyyə Xancanovanın rəhbərlik etdiyi VIç sinif şagirdlərinin iştirakı ilə keçirildi. Azərbaycan Respublikasının Dövlət Himni səsləndirildikdən sonra şagirdlər təqdimatlarını nümayiş etdirdilər. 1991-ci il ölkəmizdə baş verən tarixi hadisələr, ulu öndər H.Ə.Əliyevin respublikamıza rəhbərlik etdiyi dövrdə atdığı mühüm addımlar şagirdlərin çıxışlarında ətraflı qeyd edildi. Həmçinin Müstəqillik Gününə həsr edilmiş şeirlər və mahnılar ifa edildi, şanlı tariximizi əks etdirən videoçarxlar nümayiş olundu.
