Məktəbdə ilk dərs günümüz
Bildiyimiz kimi, 2020 – 2021-ci tədris ili Azərbaycan Respublikasının Prezidenti Ali Baş Komandan İlham Əliyevin ətrafında xalqımızın dəmir yumruq kimi birləşməsi sayəsində torpaqlarımızın işğaldan azad olunması, düşmənin silahlı qüvvələrinin darmadağın edilməsi və qələbə ruhlu tədris ili kimi tariximizə yazıldı. Respublikamızın ümumi təhsil məktəblərində olduğu kimi bizim məktəbimizdə də ilk dərslər sentyabrın 22-də “Qarabağ Azərbaycandır!” mövzusunda başlandı və ibtidai siniflərimizdə müəllimlər və şagirdlər bu günü “Anım günü” kimi qeyd etdilər. Məktəbimiz “2020-2021-ci tədris ilində ümumi təhsilin fəaliyyət istiqamətləri barədə” Azərbaycan Respublikası Təhsil Nazirinin əmrini rəhbər tutaraq ilk olaraq I siniflərdə daha sonra II – IV siniflərdə təlim-tərbiyə prosesinin təşkilinə xüsusi diqqət və məsuliyyətlə başladı
