Uşaqlar dünyanın sevincidir
01.06.2021-ci il tarixdə məktəbimizdə Uşaqların Beynəlxalq Müdafiəsi Gününə həsr olunmuş onlayn tədbir keçirildi. Kitabxana xətti ilə təşkil olunan bayram tədbirində IVb sinif şagirdləri böyük ruh yüksəkliyi ilə iştirak etdilər.Tədbiri giriş sözü ilə məktəbin kitabxanaçısı Şəhla Rəsulova acdı. O, uşaqları bayram münasibəti ilə təbrik edərək onlara xoşbəxt gələcək arzu etdi. Tədbirdə həmçinin 1 İyun Uşaqların Beynəlxalq Müdafiəsi Gününün qeyd edilməsi ilə bağlı ətraflı məlumatlar verildi. Kitabxanaçı Ş.Rəsulova öz çıxışında qeyd etdi ki, bu gün dünyanın əksər ölkələrində olduğu kimi Azərbaycanda da uşaqların hüquqları layiqincə qorunur, dövlətimiz tərəfindən bu sahədə məqsədyönlü addımlar atılır. Bayram tədbiri IVb sinif şagirdlərinin maraqlı çıxışları ilə davam etdi. Onlar uşaqlara həsr olunmuş kitablar haqqında geniş məlumat verdilər. Şagirdlərin ifasında şeirlər, musiqi nömrələri səsləndi və rəsm bacarıqları nümayiş olundu.
